Меню раздела

Горячие новости

29.04.2024  Мечтай! Объединяй! Созидай! Твори!

подробнее...

27.04.2024  День открытых дверей в РОВД

подробнее...

27.04.2024  Стили поведения родителей

подробнее...

26.04.2024  Мероприятия, приуроченные к годовщине Чернобыльской трагедии

подробнее...

25.04.2024  ШАГ

подробнее...

Архив новостей

20.09.2022

Тыдзень роднай мовы

 Згодна плана работы аддзела па адукацыі ў школе з 16 па 23 верасня праходзіць Тыдзень роднай мовы "Як ты дорага мне, мая родная мова". У рамках правядзення тыдня 16 верасня  50 вучняў школы прынялі ўдзел у напісанні рэспубліканскага дыктанта , прымеркаванага да Дня народнага адзінства. У бібліятэцы ўстановы адукацыі арганізавана тэматычная выстава. 19 верасня вучні 1-4-ых класаў паўдзельнічалі ў акцыі "Размаўляй са мной па-беларуску", а вучні 9-га класа прэзентавалі віншавальныя паштоўкі "Пажаданні роднай мове". 

 20 верасня пад кіраўніцтвам настаўніка беларускай мовы і літаратуры Ярашэвіч Ж.В. вучні 7 "А" класа прынялі ўдзел у квэст-гульні "Фальклор, фальклор - душа народа" і прадставілі гастранамічны фэст "Беларуская кухня". Вучні 10-га з настаўнікам беларускай мовы і літаратуры Ярашэвіч Т.М. арганізавалі прагляд беларускамоўнай пастаноўкі "Паўлінка".

 Родная мова… Колькі шчырых і прыгожых слоў сказана ў яе адрас. Няма, напэўна, ніводнага беларускага паэта, які б не апеў у сваіх творах роднае слова. Колькі народных песень і казак, легенд і паданняў даюць нам магчымасць адчуць мілагучнасць мовы, што дадзена нам ад нараджэння.

 У гісторыі нашай мовы былі розныя перыяды. Быў, на жаль, вельмі цяжкі і складаны час, калі яна забаранялася, прыніжалася, але заўсёды былі людзі, якія шчыра і самаадана любілі яе і рабілі ўсё для таго, каб беларускае слова жыло, гучала. “Хто не шануе родную мову, той не шануе сябе самога, ні свой род, ні сваіх дзядоў – бацькоў, якія той жа мовай гаварылі”, - пісаў Вацлаў Ластоўскі. Вось гэта, я ўпэўнена, ключавыя словы для кожнага з нас, хто жыве на беларускай зямлі, хто лічыць сябе беларусам, хто разумее, што нацыянальная мова – гэта скарб, які патрэбна берагчы.

 Сёння мы жывём у незалежнай і суверэннай краіне. Беларуская мова – дзяржаўная мова. Яна заслужыла гэты статус па праве. Мы павінны прымаць гэта не толькі як афіцыйную з’яву, а як дадзенае лёсам і Богам, і прыняцце гэтае павінна жыць у сэрцы і душы. А галоўнае, ганарыцца і любіць, таму што гэта натуральна – любіць сваю мову.

 Патрэбна разумець: захаванне нацыянальнай мовы – гэта захаванне нацыянальных традыцый, нацыянальнай культуры, нацыянальнай гісторыі. І абавязкова патрэбна паважаць другія мовы, ніколі не прыніжаць. Гэтаму вучыў нас Францішак Багушэвіч: “Яно добра, а нават і трэба знаць суседскую мову, але найперш трэба знаць сваю… Не пакідайце ж мовы нашай беларускай, каб не ўмерлі!”

 Адносіны да роднай мовы ў нашай краіне вызначаюцца і тым, што зараз праходзіць Тыдзень роднай мовы. Гэта яскравы прыклад і доказ сыноўскіх адносін да мовы. Гэта магчымасць яшчэ раз дакрануцца да глыбінь роднага слова, да творчасці беларускіх пісьменнікаў і паэтаў, да народнай культуры. Гэта своеасаблівае свята мовы. У святы прынята жадаць найлепшага таму, у гонар каго ці чаго яно прымеркавана.

 Сваёй мове я жадаю яшчэ большага развіцця і росквіту. Я жадаю, каб яна жыла, гучала. Мне вельмі хочацца, каб напеўнасць і мілагучнасць нашай мовы радавала і цешыла слых усіх, хто яе чуе і разумее. Я хачу, каб гучалі народныя песні, дзеці слухалі беларускія народныя казкі і засыналі пад пяшчотныяматчыны калыханкі. І яшчэ… Толькі ад нас, ад нашага ўнутранага разумення значнасці роднай мовы ў жыцці залежыць яе існаванне. Жадаю мове беларускай любві і вернасці ад усіх нас.

Вучань 9-га класа:

Ваўчок Павел

Местное время

Выбор языка

Новости министерства образования

Счетчик посещений

Погода