Меню раздела

Горячие новости

20.05.2024  Слет активистов и руководителей детских и молодежных общественных организаций

подробнее...

18.05.2024  Экскурсія ў Лідскі замак

подробнее...

17.05.2024  Родительские собрания

подробнее...

16.05.2024  Единый день ПДД

подробнее...

15.05.2024  День семьи

подробнее...

Архив новостей

27.04.2023

Школа активного гражданина

 Тэма сённяшняга інфармацыйна-адукацыйнага праекта “ШАГ” – “Гонар за Беларусь. Культура беларускага народа: традыцыі, спадчына, сучаснасць” (матэрыяльная і духоўная гісторыка-культурная спадчына, прафесійнае і народнае мастацтва, грамадскія творчыя ініцыятывы і іншае).

 У інфармацыйным блоку “Беларусь-краіна шматвяковай і самабытнай культуры” рабяты здзейснілі экскурс у гісторыю развіцця культуры і мастацтва за перыяд апошніх трох дзесяцігоддзяў.Пераканальна прагучалі словы аб багацці, разнастайнасці мастацкай культуры беларусаў, якая бярэ свій пачатак з глыбокай даўніны. Важна захаваць для будучых пакаленняў гісторыка-культурную спадчыну. Дзякуючы намаганням Прэзідэнта Рэспублікі Беларусь, на дзяржаўным узроўні рашаюцца задачы падтрымкі аб’ектаў гісторыка-культурнай спадчыны, іх рэстаўрацыі, стварэння новых аб’ектаў. Ахова гісторыка-культурнай спадчыны-абавязковая ўмова ўстойлівага развіцця дзяржавы, умацавання яе прэстыжу на міжнароднай арэне.

 Нам сапраўды ёсць чым ганарыцца, ёсць што паказаць гасцям. У якасці прыкладу удзельнікам мерапрыемства былі названы шматлікія аб’екты культуры, якія па праве з’яўляюцца нашым гонарам. Гэта Магілёўскі абласны драматычны тэатр, знакамітая Камянецкая вежа, Нацыянальны тэатр оперы і балета, Купалаўскі тэатр, будынак “Беларусьфільма”, стадыён “Дынама” у Мінску, аб’екты Брэсцкай крэпасці, абеліск “Мінск-горад-герой” і многія іншыя. У рэгіёнах Беларусі таксама шмат аб’ектаў (а калі дакладней, то ў кожным раёне), якія прыцягваюць турыстаў з іншых краін сваёй унікальнасцю і непаўторнасцю. Гэта яшчэ адзін доказ таго, што беларусы –удзячныя нашчадкі, якія захоўваюць створанае таленавітымі продкамі і прадаўжаюць лепшыя традыцыі свайго народа.

 Адраджэнне традыцыйнага беларускага мастацтва, абрадавай культуры з’яўляецца на сённяшні дзень таксама актуальнай дзейнасцю.Для іх папулярызацыі і стварэння свята “Александрыя збірае сяброў”, свята ўраджаю “Дажынкі”, шматлікія фестывалі музычнага мастацтва, фальклорнага і тэатральнага мастацтва.

 На сустрэчу з рабятамі была запрошана Казак Алена Дзмітрыеўна, настаўнік музыкі, айчыннай і сусветнай мастацкай культуры, якая з’яўляецца кіраўніком фальклорнага калектыву “Валошкі”, што дзейнічае ў нашай школе ўжо больш за 15 гадоў. Алена Дзмітрыеўна звярнула ўвагу на тое, што з 2019 года на базе нашай установы адукацыі функцыяніруе Рэсурсны цэнтр па грамадзянска-патрыятычным выхаванні на аснове нацыянальных традыцый. Калектыў “Валошкі” пастаянна абнаўляецца новымі ўдзельнікамі, існуе своеасаблівая пераемнасць, але галоўная мэта застаецца той жа – захаваць традыцыйнае мастацтва вёскі Хатынічы.

 Дзеці, якія ўваходзяць у калектыў, навучыліся працаваць на кроснах, вышываць, ствараць паясы, засвоілі традыцыйную хатыніцкую кухню. Але ўсё ж большая ўвага ўдзяляецца развучванню народных песень, абрадавых песень і саміх абрадаў, вясковых танцаў і гульняў. У скарбонцы калектыву таксама Хатыніцкія павер’і, прыказкі і прымаўкі. Калектыў “Валошкі” – пастаянны ўдзельнік і пераможца раённых і абласных фестываляў фальклорнага мастацтва. Вось літаральна ўчора, 26 красавіка, калектыў прыняў удзел у ІІІ Адкрытым фестывалі фальклорнай творчасці “Палескія пераборы” у Брэсце і папоўнілі скарбонку дасягненняў абласнога ўзроўню.

 Дыялог па тэме мерапрыемства быў канструктыўным, цікавым. Удзельнікі атрымалі шмат інфармацыі, якая, упэўнены, сцвярдзіла іх у разуменні неабходнасці ведаць і вывучаць культурную спадчыну Беларусі, паважаць традыцыі народа, тым самым захоўваючы знітаванасць пакаленняў.

                                                     Канановіч Т.М., Ярашэвіч Ж.В.,

                                                       класныя кіраўнікі

                                                       ДУА “Хатыніцкая сярэдняя школа”

                                                      Ганцавіцкага раёна

Местное время

Выбор языка

Новости министерства образования

Счетчик посещений

Погода